Moonamkett

ആത്മകഥാംശവും, ഏറെക്കുറെ ഭാവനാസംപുഷ്ടവുമായ രചനകളാണ് ശ്രീമതി. വിനീത ഇടച്ചനയുടെ 'മൂന്നാങ്കെട്ട്' എന്ന ചെറുകഥാസമാഹാരത്തിൻ്റെ ഇതിവൃത്തം. കണ്ടതും കേട്ടതും അനുഭവിച്ചറിഞ്ഞതുമായ നാട്ടിൻപുറത്തെ വിശേഷങ്ങൾ നർമത്തിൽ പൊതിഞ്ഞാണ് കഥകളായി അവതരിപ്പിക്കുന്നത്. എന്നാൽ അതേസമയം 'രുഗ്മിണി', 'മൂന്നാംങ്കെട്ട്' പോലുള്ള കഥകൾ അറിയാതെ നമ്മുടെ കണ്ണുകളിൽ നനവ് പടർത്തുന്നുമുണ്ട്. നർമവും, നോവും ഇടകലർത്തി ആത്മാനുഭവങ്ങളുടെ മേമ്പൊടിയിൽ ചാലിച്ച 'മൂന്നാങ്കെട്ട്' നല്ലൊരുവായനാനുഭവം തന്നെയാണ്...!!